Life !!!!

Har khushi hai logo ke Daman mein....

Har khushi hai logo ke Daman mein,
Par ek hansi ke liye waqt nahi.
Din raat daudti duniya mein,
Zindagi ke liye hi waqt nahi


Maa ki lori ka ehsaas to hai,
par Maa ko Maa kehne ka waqt nahi.
Saare rishton ko to hum maar chuke,
ab unhe dafnane ka bhi waqt nahi....


Sare naam mobile me hain,
Par dosti ke liye waqt nahi.
Gairon ki kya baat kahein,
jab apno ke liye hi waqt nahi....


Aankhon mein hai neend badi,
Par sone ko waqt nahi.
Dil hai gamo se bhara hua,
Par rone ko bhi waqt nahi....


Paison ki daud me aise daude,
Ki thakne ko bhi waqt nahi.
Paraye ehsason ki kya kadr karein,
Jab apne sapno ke liye hi waqt nahi....


Tu hi bata ae zindagi,
Is zindagi ka kya hoga,
Ki har pal marane walon ko,
Jeene ke liye bhi waqt nahi...."

Zindagi !!!!

Zindagi mein kabhi kabhi hum itne aage nikal jaate hain ki humein yaad hi nahi rehta ki hum peeche kuchh bhool aaye hain .... kuchh aisa jiske bina hamari zindagi adhuri hai .... kuchh khas pal .... kuchh khas log .... aur shayad ek khas zindagi .... jiske bare mein mein humne bachpan mein kabhi socha tha .... socha tha apna aasman banayenge .... niklenge is jahan se aage ..... ek naya jahan banane ko ..... apne sapno ki duniya .... par kitne logon ko wo sab yaad hai .... ? shayad kisi ko bhi nahi .... Duniya ki bheed mein hum aise khote ja rahe hain jaise dhool ka katra baarish mein kahin gum ho jata hai.... hum bhool gaye ki humne kuchh sapne dekhe the .... bhool gaye ki humne apne aapse kuchh vaade kiye the .... kho gaye hai hum is duniya mein rishtey nibhate nibhate ....kuchh rishton ke saath hum is duniya aaye .... kuchh humne khud yahan pe banaye .... par unme se kitne rishtey zinda hain .... kabhi socha hai kya humne .... kya kabhi yaad bhi aata hai ki jab hum pehli baar school gaye the to kisne humse sabse pehle dosti ki thi .... nahi yaad hai na ....!!!! Hum naye logon se milte gaye .... naye dost bante gaye .... kuchh kahaniyan bani ... kuchh banne se pehle hi khatm ho gayi .... Par haan kuchh yaadein kabhi kabhi zehan mein aa jati hain ... par us waqt ek pal muskurane ke siva hum kuchh nahi karte .... kabhi koi yaad aankhon ko ek katra aansu bhi de jaati hai .... lekin phir sab bhool kar hum lag jate hain ye jhooti zindagi jeene mein .... jhoote rishtey naate nibhane mein .... kabhi apni zindagi ke aaine mein dekhne ki koshish bhi nahin karte hum .... Aur kabhi kabhi jo dikhta hai usey bhi andhekha kar dete hain hum .... Shayad kabhi zindagi ko samajh hi nahi paye hum .... ya phir samajhna nahi chahte ....

Zindagi ko agar khoobsurat banana hai to samajhna hoga zindagi ko .... Yaad karo apne un beete lamho ko .... bichade doston ko .... jo kabhi tumko bahut pyare the .... Tumhara dosti ka ek lafz kisi ko wo anjani khushi de sakta hai jo tum kabhi sapne mein bhi soch nahi sakte .... & believe me .... tumhe bhi utni hi khushi hogi .... !!!!