Saahil ke kinare baithe huye..

Saahil ke kinare baithe huye.. yun hi yaad aaye kuchh pal..
Maujon si uthti zindagi mein.. Khamosh lehron ka ek safar..

Kinaron ki ret par.. likhe hain kuchh naam..
Nahi hai pata humein.. kya hai inka anjaam..

Dil ko manana fazool hai.. ye na maanega meri baat..
Har pal sapno mein dekhega ye.. humsafar ka saath..

Yun to tanha zindagi mein.. chale wo kuch der hamare saath..
Par zindagi ki is daud mein.. kahin chhoot gaya haathon se haath..

-- VJ

Bas Itna Sa Khwaab Hai..!!

Jo Bhi Chaahoon Vo Main Paoon.. Zindagi Mein Jeet Jaoon.. 
Chaand Taare Tod Laoon..Saari Duniya Par Main Chhaoon.. 
Bas Itna Sa Khwaab Hain..

Yaar Tu Bhi Sun Zara.. Aarzoo Meri Hai Kya..
Main Kya Ban Jaana Chaahta Hoon..
Main Kahan Kharaab Hoon.. Main To Lajawaab Hoon..
Main Ye Manvana Chaahta Hoon..
Maan Jaa Aye Khuda.. Itni Si Hai Dua.. Main Ban Jaoon Sabse Bada..

Jo lehron se aage nazar dekh pati.. Udaan

Jo lehron se aage nazar dekh paati, toh tum jaan lete main kya sochta hoon,

Wo aawaz tumko bhi jo bhed jaati, toh tum jaan lete main kya sochta hoon..

Zid ka tumhare jo parda sarakta, khidkiyon se aage bhi tum dekh paate,
Aankhon se aadaton ki jo palkein hatate, toh tum jaan lete main kya sochta hoon..

Meri tarah hota agar khud par zara bharosa, toh kuchh door tum bhi saath-saath aate,
Rang meri aankhon ka baant-te zara sa, toh kuchh door tum bhi saath-saath aate..

Nasha aasmaan ka jo choomta tumhe, hasratein tumhari naya janm paati,
Khud doosre janam mein meri udaan chhoone, kuchh door tum bhi saath-saath aate..

Woh Aaj Humein Aazmaate Hain.. !!

Chand Lamhe Kisi ke Saath.. Yeh Jo Mil Jaate Hain..
Unhi Lamho Ko Samajhkar Zindagi..  Hum Jiye Jate Hain..

Kaise Jaanein Kaun Apna Hai.. Aur Kaun Paraya..
Yeh Rishte Kab Aasaani Se Pehchane Jaate Hain..

Waqt Kab Ruka Karta Hai Yahan.. Kisi Ke Liye..
Yunhi Kashmakash Mein Saal Guzar Jaate Hain..

Kuchh Logon Ko Lamhon Mein Mil Jati Hai Zindagi..
Aur Kuchh Log Sadaa Hi Taraste Reh Jaate Hain..

Humne Jinhe Parkhaa Hai Barson Talak..
Dekh Unki Nadani ‘Vikram’.. Woh Aaj Humein Aazmaate Hain.. !!